— 110 —
„Ah, poekoel doewa belas begitoe.“
„Loe djoega maoe noerasin tingkah-lakoenja loe poenja bapa. Soeka-soeka poelang, soeka-soeka kaga, seperti orang soeda engga ada poenja roemah-tangga.“
„Eh-eh, nona lagi mara-mara sama baba si bolehnja lantas ngaroet-ngaroet owee teroesnja. Owee si kaloear djarang-djarang, djoega ada waktoenja. Baba jang kaga poelang-poelang ka roemah sampe minggoean, itoe betoel engga patoet sekali !“.
„Apa loe taoe di mana baba loe soeda ngeram sampe engga poelang-poelang ?“
„Taoe, tapi owee takoet nona nanti djadi mengklahi sama baba dan bilang owee jang kasi taoe, habisnja owee jang nanti djadi engga oeroes.“
„Kaloe loe taoe bilangin goea, Ban-tjoan, engga, goea engga nanti kata goea dapet taoe dari loe. Di mana sadja si dia ngeram ?“.
„Baba sekarang baroe piara satoe bini moeda. Orangnja bagoes lagi, makanja dia sampe engga inget poelang.“
„Sadari kapan dia soeda piara ? Apa anak prawan ?“
„Ja, anak prawan, orangnja belon oemoer doewa poeloe."
„Di mana dia taroh ?“
„Owee si taoe, tjoema engga maoe bilangin sama nona, takoet nona loepa-loepa nanti pergi soesoelin,
