220
Satoe gadis jang tjantik enz.
dengen meremken kadoea matanja dan memikirken berbagi-bagi perkara. Banjak oeroesan ada di-inget oleh Padisha jang aer moekanja mendjadi sedikit poetjet dan koelit moekanja mendjadi kisoet, satoe tanda Baginda banjak menanggoeng soesa hati.
Baginda Sultan dapet sedikit pengiboeran, apabila di-inget ia poenja generaal-generaal soeda menang berprang dan dapet tahan pasoekan prang di soengi Donau, hingga itoe moesoe tiada bisa mendesak lebi djaoe ka dalem tana Toerki, malahan bisa diharep bendera Toerki nanti kasi liat pamoernja di tana Rus. Sultan pikir begimana karadjaän Toerki bisa idoep dan bangoen kombali, djika ia menang dalem ini prang, sedeng negri Roemenie, Montenegro, Krim dan Kaukasië nanti didjadiken satoe dengen karadja an Toerki, tana poesaka dari orang-orang toeanja di djeman doeloe, sedeng oepeti prang jang dibajar oleh Rusland jang dikaiaken nanti bisa masoek di kas negri Toerki jang soeda lama ada kosong dan sekarang tinggal kosong. Sultan pikir lagi, itoe oepeti prang bisa dipake bajar oetangnja karadja'an pada bank-bank di Sera dan di Weenen, bank jang mana tiada soeka kasi oetang lebi banjak, djika tiada ada borg jang koeat. Sekarang Toerki perloe sekali pake banjak oewang, kerna blandjanja balatentara jang dikirim ka medan prang ada sanget besar—lebi lagi pacha-pacha, aken isi sakoenja sendiri, soeda kasi masoek
