184
Prang lagi.
koerang ati-ati dan pamerenta di Konstantinopel soeda kaloearken segala tita sala serta tiada pegang atoeran betoel dan lagi sebab Soleiman pacha terlaloe bantahan, ini seraoea soeda bikin sia-sia kegagahan serta kakosenannja laskar prang Toerki, hingga membikin roeboe negrinja sendiri.
Osman pacha, satoe generaal Toerki jang bidjaksana, tentoe djoega bisa dapet kamenangan besar, djika ia dapet bantoean tjoekoep; ini pacha telah tahan pasoekan prang Rus. Itoe pacha atoer barisan Toerki di blakang benteng-benteng kota Plewna, dari mana ia soeda binasaken banjak balatentara Rus. Soleiman pacha jang menang prang di Montenegro, telah dikirim ka Roemenie, ia dateng di Dedeh Agatsch dan madjoe ka goenoeng Balkan, aken pegat barisan Rus di itoe tempat. Kapala prang Abdoel Karim soeda diganti oleh Mohamed Ali pacha, jang dalem ini djabatan soeda dapet kekwasa'an besar dan pegang pangkat militair jang paling tinggi, tapi dalem ini pangkat ia moesti pikoel satoe tanggoengan amat brat dan moesti melawan moesoe dengen dapet banjak sangkoetan serta halangan dari kawan-kawannja sendiri.
Angkatan prang Toerki di tepi soengi Donau jang ada 150.000 orang banjaknja menoeroet daftar, sabenernja tjoema ada kira-kira 70 atawa 80 riboe djiwa. Ini angkatan prang jang dibagi djadi bebrapa bagian moesti doedoeken bebrapa empat dan benteng-benteng jangperloe didjaga.
