Prang lagi.
183
jang kapalaken angkatan prang di tepi soengi Donau, tiada sanggoep moendoerken moesoe jang binasaken barisan-barisan Toerki. Ini kapala prang tiada maoe menjebrang di itoe soengi pada bagian Waischye, hingga pasoekan prang Rus bisa masoek di itoe wates negri. Di tempat jang koerang perloe, Toerki soeda taro bebrapa barisan, maka barisan Rus bisa maseek di Bulgarije dan Roemenie. Di Bulgarije orang Rus soeda dapet bantoean dari bebrapa riboe pendoedoek negri jang soeda toeroet pada angkatan prang Rus dan dapet bantoean djoega dari Roemenie. Lagipoen orang Rus soeda koeroeng kota Widdin dan tahan Osman pacha jang kesohor di kota Plewna, hingga barisan Toerki dari tepi soengi Donau soeda djadi terpisa dari laen-laen barisannja jang ada di laen tempat. Satoe barisan Rus, di bawa prentanja generaal Goerko, soeda iiwat di goenoeng Balkan, dengan membikm takoet sarta kaget pada pendoedoek negri di Adrianopel.
Tapi kamoedian pri keada'an prang ini dengen mendadak djadi bebalik dan ampir sadja angkatan prang Toerki jang soeda ditjelà sebagi kawanan penjamoen dan tiada boleh dipake di medan prang, dapet kalaken angkatan prang Rus dan ampir ia dapet binasaken semoea moesoenja, brangkali djoega ini prang bisa pinda di tana Rus.
Brangkali! . . . . .TaPi sebab bebrapa pacha ada bentji serta mengiri hati satoe pada laen, sebab bebrapa generaal Toerki soeda berlakoe
