105
trima, kasie Wakong ampoen, Kong Hoet lantas poelang.
Tjarita Wakong soeda poelang, dia pesen orang-orangnja kata: loe djaga ini tempat en goewa maoe pegie djalan koelilingan, kaloe orang depet kesoesahan, goewa mistie toeloengin, tiada lama goewa poelang, Wakong masoek die dalem pesen sama binienja kata loe toeloeng rawattin goewa poenja ma, tiada lama gowa poelang, en lantas Wakong djalan koelilingan.
Tjarita die Lengsan Dji Laij Hoet (Dewa Toewa) bitjara sama moeritnja tjap-pe Lohoan Ong berkata: itoe Wakong kapan arie dia boeroe Liong Soei Ong sampe die sinie, dia bitjara sogol sekalie dia kerdja goewa mara, en lantas dia poenja mata njang die djidat goewa tjaboet, abis goewa kata kaloe loe soeda toeloengin loe poenja ma, en loe lekas dateng die sinie djadie Hoet en goewa nantie baijar koembalie loe poenja mata, abis Wakong kata: kaloe dia soeda toeloengin manja, dia maoe dateng die sini abis goewa kata: kaloe loe soeda toeloengin loe poenja ma kaloe loe tiada dateng pegimana? en lantas soempa dia kata: kaloe tetjoe soeda toeloengin tetjoe poenja ma, kaloe tetjoe tiada dateng, en tetjoe poenja kaki tangan tiada sangkep, en sekarang Wakong soeda toeloengin manja adjak poelang dia tiada dateng die sini djadie Hoet, dia maoe djalan die doenia, djadi takoet orang boeat tjarita anak moerit Hoet djalan tiada keroewanan, sekarang dia tanja moerit-moeritnja njang mana maoe pegie tjarie sama Wakong, kaloe pegie mistic „phie” djadie toekang phielang (soemlap) die mana pasar aengadja potong kakie tangan biar koetoeng kasie orang liat en abis loe samboeng lagie itoe kakie tangan, en nantie Wakong tanja sama loe dia maoe minta beladjar loe minta'in oewang, sama dianja,
