Arapa ma’ bâḍâ orèng sè enḍâ’ nolès è Wikipèḍia makkè ta’ ollè bâjârân?
Meccè’ serradhân è Wikipèḍia ḍâ’ ka padhurruna mènangka hobi. Hobi adhurrun sè èkalèburi. Pan-brâmpan padhurrun Wikipèḍia senneng adhu’um bâberta sè anyar kèya, ènga’ mon bâḍâ kadhâddhiyân rajâ sè apangaro lowas, pasthè bâḍâ padhurrun Wikipèḍia sè terkas aghâbây serradhânna.Pan-brâmpan pangangghuy sè lèbur mongghu topik sè cè’ khosossa, akadeng paseppuran. Para railfans (jhulughân ka’angghuy sè ghiyâr klabân paseppuran) kalonta cè’ sèngka’na mon bâḍâ jadwâl seppur sè aobâ, otabâ bâḍâ bâberta sè palèng anyar bhâb
tapsiyun bân èn-laènna.
Pan-brâmpan padhurrun Wikipèḍia sè bâḍâ è ḍaèra ngako jhâ’ lèbur meccè’ serradhân polana parduli klabân kalangghengan bhâsa ḍaèrana bâng-sèbâng. Jhâ’ ghetton mon ghân arè satèya è Inḍonesia bâḍâ 13 bhâsa ḍaèra è Wikipèḍia bi’ atosan Wikipèḍia bhâsa ḍaèra laèn sè ghi’ èbhâbhâd è ḍâlem Incubator (sala sèttong proyèk Wiki sè èghuna’aghi ka’angghuy yèk-proyèk Wiki sè bellun bisa ngaddhek dhibi’).
JHÂ’ METTHÈK ḌÂRI WIKIPÈḌIA!
19
