Arapa èssèna Wikipèḍia bhâsa Inggris bân Inḍonesia bhidhâ?
Èssè sè bâḍâ è Wikipèḍia bhâsa Inggris bân bhâsa Inḍonesia ella tanto bhidhâ polana sanèyap serradhân è Wikipèḍia èbhâbhâd bi’ orèng sè dhâ-bhidhâ kèya. Serradhân è Wikipèḍia lakar bisa èghâbây bi’ bot (robot), tapè lomrana ghâbây râng-bhârâng sè topigghâ ali-bâli akantha bâgiyân wilayah, taksonomi biologi, otabâ nyama objèk lowar bâng-abâng. Mon topigghâ serradhân salaèn arowa, teptep kodhu ètolès bi’ manossa bân èkembângaghi bi’ manossa.
Arapa serradhân è bhâsa Inggris lebbi bânnya’ èbhânḍhingaghi bi’ è bhâsa Inḍonesia? Polana padhurrun Wikipèḍia bhâsa Inggris lebbi bânnya’ kèya mon èbhânḍhing bi’ Wikipèḍia bhâsa Inḍonesia. Satèya, è Wikipèḍia bhâsa Inggris bâḍâ ra-kèra 120.000 pangangghuy aktif sabbhân bulânna (aktif arèya artèna meccè’ lebbi ḍâri 5 kalè sabbhân bulân), dhinèng è bhâsa Inḍonesia pèra’ 3000. Sampèyan bisa nèngghu bhidhâ sè jhâu bhâb padhurrun sè apangaro ḍâ’ ka bânnya’na kontèn è antara kaḍuwâ’ vèrsi Wikipèḍia ghellâ’.
Wikipèḍia bhâsa Inggris 120.000 Pangangghuy aktif
Wikipèḍia bhâsa Inḍonesia 3.000 Pangangghuy aktif
Wikipèḍia bhâsa Madhurâ 10 Pangangghuy aktif
ꦗꦃꦩꦼ ꦺꦠꦏꦫꦶ ꦮꦶꦏꦶꦺꦥꦝꦪ
18