— 17 —
soeda djam sabelas malem, semoea tetamoe dalem ini hotel soeda pada tidoer, kaoe orang boleh gotong ini doeabelas orang kaloewar dari sini dengen diboengkoes sama tiker, dan moesti teroes diangkoet ka dalem itoe praoe, menoenggoe sampe akoe dateng.“
⁂
Di pinggirnja soengei Tjim-ho kaliatan ada ampat atawa lima orang jang lagi repot mengankoetin goeloengan-goeloengan tiker jang sanget besar ka atas satoe praoe barang jang lagi berlaboe di sitoe. Semoea orang bakerdja dengen tida berkata-kata, hingga itoe waktoe tjoema kadengeran sadjj soewaranja aer jang mendampar praoe dan soewaranja binatangbinatang ketjil jang soeka berboenji di waktoe malem. Itoe malem sekali poen tida ada sinarnja remboelan, tapi langit ada sanget bresih, hingga sinarnja bintangbintang jang ketap ketip mengasi panerangan jang soerem dan remeng-remeng.
Dari sabelah oetara itoe waktoe kaliatan ada mendatengin doea orang dengen gerakan jang tjepatnja tida berbeda sabagi djoega sapasang boeroeng terbang. Koetika itoe orang-orang jang bakerdja djoestroe mengangkoetin goeloengan tiker jang paling achir, sala-satoe di antaranja dapet liat pada itoe doea orang jang lagi mendatengin dari sabelah oetara.
„Nah, 'toe'pa dianja taoya soeda datang sama itoe Orang she Ouw,“ kata ia pada kawan-kawannja.
„St ! djangan banjak bitjara,“ kata saorang laen. „Toaya pesen kita tida boleh bitjara sama sekali.“
Tida antara lama kamoedian itoe doewa orang soeda sampe ka pinggirnja itoe soengei. Doea-doeanja mengawasin ka djoeroesan praoe dengen sorot mata jang sanget memperhatiken.
