- 16 -
penggawe Ho Sin Piokiok Ong Ban Kim dan ampat,
penggawenja. Kaloe menoeroet It Kie Tho poenja
pikiran, la maoe lantas boenoeh mati sadja pada Tio
Beng; tapi Goei Soei Hong jang moesti menanggoeng
tanggoengan lantaran itoe perkara terdjadi dalem
iapoenja roemah berkeras menjega dan minta soepaja
itoe kontjo soeka bersabar.
Lebih doeloe iaorang gondol pergi itoe tiga peti jang terisi oewang perak, kamoedian singkirken djoega itoe soetra-soetra, hingga dalem itoe kamar sama sekali djadi bresih.
„Sekarang apa kita moesti bikin sama ini andjing-andjing?“ menanja It Kie Tho pada Goei Soei Hong, koetika iaorang soeda singkirken itoe semoewa barang-barang ka soeatoe goedang di dalem tanah.
„Dari satadian akoe soeda pikirken ini hal,“ saoet Goei Soei Hong, „tida ada laen djalan jang lebih baek dari pada anjoetken iaorang ka dalem soengei Tjim-ho. Akoe ada poenja satoe praoe jang biasa soeka digoenaken boeat mengankoet barang-barang, kita boleh bawa ini orang-orang dalem itoe praoe, nanti pada sasoedanja sampe di tengah soengei, kita boekain tambangnja dan satoe per satoe di tjemploengin ka dalem aer, dengen begitoe, orang aken kiraken iaorang katjemplo eng dan kalelap mati di dalem aer lantaran katjilakahan, hingga kita bisa terbebas sama sekali dari toedoehan djelek.“
„Oh, Goei toako! kaoe ini sasoeng goenja sanget pintar,“ kata It Kie Tho dengen merasa kagoem, akoe satoedjoe „sa'anteronja sama kaoe poenja daja oepaja itoe.“
Goei Soei Hong lantas panggil iapɔenja bebrapa orang kapertjajahan dan soeroe sediaken itoe praoe. jang perloe. Achirnja ia berkata:,,Nanti kaloe soeda
