— 9 —
minta sembari meribin, achirnja Tio Beng djadi kawalahan dan meloeloesken.
„Ja, apa boleh boewat,“ kata ia; „tapi tida lebih dari satoe tjawan — satoe tjawan lagi sadja, toewan Ong; akoe meloeloesken meloeloe lantaran maloe hati sama kaoe, tapi kaloe lebih dari satoe tjawan akoe terpaksa moesti djalanken akoe poenja discipline terhadep pada akoe poenja penggawe penggawe jang moesti bertoendoek dengen tida baleh berbanta lagi.'
Tio Beng jang berhati-hati, kombali preksa itoe arak jang baroe dibawa, tapi ternjata tida ada apa-apa jang menjoerigaken, hingga Ong Ban Kim dan itoe anem penggawe dari Ho Sin Piokiok lantas minoem lagi masing-masing satoe tjangkir ; tapi Ong Ban Kim sembari makan sembari minoem troes sisanja itoe arak, hingga achirnja ia djadi mabok dan moeiai mengotje lagi.
„Tio plauwsoe, kaoe ini terlaloe berhati-hati,“ kata ia sembari tertawa besar, „marilah tjoba minoem satoe tjawan sadja, ja satoe tjawan sadja. Sebab ini hari kita haroes bergirang bahoewa kita poenja perdjalanan soeda deket sampe ka tempat jang ditoedjoe ! hahaha !“
„Ja, nanti akoe maoe minoem, tamenin kaoe minoem sampe mabok, toean Ong,“ saoet Hek-boeihouw, „djika kita soeda bisa sampe dengen slamet di kota Thaygoan. Sekarang akoe poenja kewadjiban dan tanggoengan masi belon terlepas, kaloe sampe kedjadian apa-apa jang meroegiken, akoe rasa kaoe sendiri poen tida aken merasa senang.“
Koetika mendenger itoe perkatahan „meroegiken,“ satoe perkatahan jang sanget tida disoeka oleh soedagar Sansee, jang oemoemnja mendapet djoeloekan : „Lebih sajang oewang dari pada iaorang poenja djiwa
