920
memboeka pintoe kota itoe, serta lawan djoega dengen perang, bijarlah negri ini leboer binasa tiadalah sesel rasa hatikoe.
Maka tatkala itoe mantri hoeloebalang raijat poen, menjoéroehken segala isi negri itoe keloewar mengadep moesoehnja itoe, kerna takoet kaloe kaloe djadi perang besar, nistjaja sekalijannja bisa dapet masoek kedalem negri, maka masing masing hendak lari sekalipoen, kerna djikaloe prampoewan nistjaja banjak bitjaranja, kerna di dalem perang soewatoepoen tida di larangnja, maka djadi segala isi negri semawanja menoeroet kata radjanja demikijanlah boedimannja orang negri Tadjir, soewatoepoen tida jang bertinggalan masing masing dengen boedi jang patoet.
Adapoen maka pada tatkala itoe, setengahnja adalah jang memotong ramboetnja soepaja djangan di kenalnja orang, masing masing dengen halnja.
Sjahdan maka pada tatkala itoe, anak Dewa ke doewanja itoe poen sigra kembali kepada toewannja, serta memberi chabar segala hal ichwalnja itoe, bahoewa radja dalem negri handak berdami kepada anak radja radja itoe.
Satelah Djohan Pahlawan mendenger chabar itoe, maka hatinja tidaken tertahan rasanja, serta sembahnja: Jatoeankoe marilah sekalijan masoek kedalem negri, kerna djikaloe Soeltan telah taloek kepadanja, apalah goenanja kita membantoe.
