693
djandji padamoe, den jang mana akoe larangken itoe angkau kerdjaken.
Maka sembanja ja toeankoe: boekannja patek sengadjaken, kerna apa jang patik pegang djoega terlepas, apalah hendak di kata, kaloeken soeda oentoeng patek mendapet maloe di hadepan radja, djanganken piring den pahor sekalipoen njawa patek keloear tida dapet patek larangken, dalem itoe mana hoekoem toeankoe patek trima dengen redlanja sekali.
Setelah itoe sahoet toewan poetri, soedahlah djangan di hoekoem dija, tetapi pada hari jang laen diri djangan berboeat demikijan, kerna djadi koerang indanja dengen Soeltan, kerna jang mendapet maloe diri sendiri boekan orang laen.
Maka sembanja soenggoeh seperti kata toewan poetri itoe, beta poen tijada djoega hendak memberi maloe atas toewan patek, tetapi djikaloe beta inget beta djagaken, den djikaloe ada djoega chilap patek mintalah di ampoenken, den djikaloe toewan maloemken sepatoetnja beta trima hoekoem toeankoe.
Setelah itoe maka hari poen malemlah, maka baginda poen masoek beradoe, den Sahbanda kedoewa Sahbandi poen tidoerlah di bawa geta toean poetri, serta dengen Indra Paulana Tamsil Maripat.
Maka tatkala malem itoe, anak radja tidoer dalem peradoewan serta bersanda goeroe dengen toean poetri, maka Indra Paulana Tamsil Maripat poen tijada beradoe tetapi poera poera tidoer
