52
tong di tampat itoe, Dantes dapat taoe demikian halnja batoe besar itoe, sebab ia tjoba bongkar itoe batoe-batoe ketjil dan tabah; dan ia lantas dljoega mengarti, bahoewa itoe batoe-batoe ketjil telah disengadja ditaro di sitoe oleh tangan manoesia. Maka besarlah harapannja Dantes atas hal harta pendeman.
Sigralah djoega itoe batoe-batoe ketjil soedah dapat dilaloeken, dan Dantes lantas dapat lihat satoe lobang ketjil jang besar di dalamnja.
Dengan girang hati Dantes lantas tebang satoe poehoen jang besar djoega, dan sasoedah boewang tjabang-tjabangnja itoe, ia lantas goenaken itoe seperti satoe pendjoegil aken kisarken itoe batoe karang jang besar; tapi sedikit poen batoe itoe tida tergerak, kerna berat adanja.
Dantes berdiam sakoetika dengan berpikir, laloe ia gali satoe lobang ketjil di antara itoe batoe bebesar dan tjadas jang ada di bawahnja; sasoedahnja sadia, ia isiïn itoe dengan obat bedil, lalue ia sowek selampenja dan membikin soemboe atawa tali-api dengan kain selampe itoe, jang dipelintir olehnja sambil ditaroi sidikit obat bedil. Sasoedah boeboengken soemboe itoe pada obat di lobang, ia lantas soeloet itoe dan berlari pergi, dan sigra djoega obat itoe telah meledoek. Ttoe batoe besar ada laengisar sedikit sadja, tapi tjadas jang ada di bawahnja, djadi antjoer dan melesat, hingga dengan lantaran bagitoe djadi terbit satoe lobang
