45
jang tida bisa terdjadi: Fernand itoe tida nanti memboenoeh diri; sebab ia ada sangat mengarap nanti dapatken nona Mercedes.
Sedang bagitoe, keizer Napoleon ada minta bantoeannja rahajat; maka segala orang jang bisa angkat sindjata, berangkat ka paperangan.
Fernand djoega berangkat dengan hati sangat doeka dan sangat merasa koewatir, kaloe-kaloe sasoedahnja ia pergi, Edmond Dantes nanti datang dan menikah pada Mercedes.
Kaloe Fernand bisa memboenoeh diri, tantoelah ia berboewat itoe pada waktoenja maoe tinggalken nona katjintaännja.
Kalakoeännja jang manis pada Mercedes, dan kalakoeännja jang njataken rasa kasihan aken itoe nona jang bertjilaka, adalah terb tken djoega sedikit bakalnja katjintaiin di dalam hatinja nona itoe. Seorang jang berhati toeloes poen, kaloe ia menerima kabaikannja orang, tiada loepoet ia merasa ingin aken membalas baik. Demikianlah halnja Mercedes itoe.
Dari doeloe poen nona Mercedes ada berlakoe dan ada berhati seperti sobat pada Fernand itoe; sekarang ini persobatannja itoe ada tertambah dengan perasaan baroe, jaitoelah perasaànnja hati jang telah menerima amalnja orang.
»Soedara!" kata nona itoe kapada Fernand di waktoe lelaki ini maoe berangkat: »djagan kasih dirimoe diboenoeh orang, soepaja akoe tida djadi
