1060
„Orang bilang jang dia soedah pegi dari sini.
„Nona Eugenie?” bertanja Chateau Renaud, apa barangkali dia soedah balik lagi?”
Ach boekan anaknja, mamanja.”
„Njonja Danglars?”
„Ach, moestail, tida boleh djadi, dalem sepoeloe hari, abis anaknja lari dan tiga hari abis toewannja bangkroet!”
De Braij maloe sedikit dan moekanja mendjadi merah sedikit, tetapi dia toeroet liat djoeroesan pemandangan Beauchamp.
„Ach, itoe orang pake kakoedoeng, orang jang tiada terkenal, satoe poeteri dari laen negri, barangkali mamanja Cavalcanti; tetapi biarlah, tjoema akoe maoe tanja lagi Beauchamp tadi angkau maoe bilang barang jang berpenting sanget, akoe rasa.“
„Akoe? maoe bilang?”
„Ja, angkau omong dari matinja nona Valentine, jang adjaib sekali.”
Ach ja, betoel; tetapi kenapa njonja de Villefort tida dateng di sini?”
„Kasian, itoe njonja de Villefort jang begitoe manis, barkata de Braij, dia tentoe lagi bikin bedak sama aer mawar boewat roemah miskin. Apa angkan tida taoe, jang dia boewang oewang dalem satoe taon doewa-tiga riboe kroon boewat bikin itoe. Tetapi biar bagimana djoega, akoe heran betoel, jang dia tida dateng. Akoe soenggoe soeka liat dia dateng, akoe saijang sama itoe njonja.”
„Aai, akoe djoestoe keliwat bentji sama dia,“ berkata Chateau Renaud.
„Kenapa?“
„Setaoe, akoe sendiri tida taoe, sama djoega orang tjinta orang, atawa orang bentji sama orang, tida
1061
ketaoewan sebabnja, maka akoepoen bentji, sebab dari bermoela-moela akoe tida soeka sama dia.”
„Apa barangkali dari sebab pirasatmoe jang angkau bentji padanja.”
„Bole djadi. Tetapi teroeskenlah Beauchamp apa angkau maoe kataken tadi?”
„Na,” berkatalah Beauchamp, „apa angkau tida kepengen taoe, toewan-toewan, kenapa orang-orang mati begitoe aneh di dalem roemahnja toewan de Villefort?”
„Aneh? berkata Chateau Renaud. Tjobalah angkau tjeritain.”
„Soenggoe,” berkatalah de Braij, „akoe misti mengakoe sendiri, soedah tiga boelan itoe roemah jang berkaboeng, tida akoe lepas dari pemandangankoe. Koetika matinja Valentine, maka njonja omongin itoe sama akoe.”
„Siapa, njonja?” bertanja Chateau Renaud.
„Masa angkau tida taoe, njonja minister.”
„O, njonja minister, ma-aflah,” berkata Chateau Renaud, sebab akoe ini tida pegi bertemoewan sama minister-minister; akoe tinggalin itoe boeat prins-prins.
„Wach, djanganlah angkau maoe terlaloe pedas, nanti tida enak.”
„Soedah akoe tida nanti omong-omong lagi,” berkata Chateau Renaud, „tetapi angkau djanganlah maoe paksa-paksa akoe bitjara.”
Baiklah, Beauchamp tida akoe bilang boekan, jang njonja..... omong-omong sama akoe dari matinja Valentine, itoe njonja minta keterangan sama akoe, jang belon orang laen taoe, dari hal matinja Valentine, dari itoe akoe kepengen sanget dengar dari padamoe Beauchamp itoe kabar jang baroe, bole akoe sampein itoe pada itoe njonja.
