— 1187 —
in lagi."
Perkataän ini meroesaken soenggoe hatinja Morrel. Kaloè begitoe ini toean dapet liat Valentine dan soedah bitjara padanja. Ha, toewan Morrel ijang begitoe tjetek marahnja masi memaksa dirinja dengen keras aken djangan sampe djadi stori, dan menahan napsoenja, soepaja djangan dia langgar soempahnja.
Franz tarik tangannja Chateau Renaud di adjaknja pegi ka itoe lobang batoe koeboeran, di mana orang-orang penggawe koeboeran soedah taro itoe doewa peti mati.
Maka katanja Beauchamp sembari memandang itoe lobang batoe koeboeran, „nah inilah roemah ijang teramat senang, tida mengenal soesah dan paitnja doenia; kaoe beroentoeng Franz, ini roemah poen bakalan djadi roemahmoe djoega, sebab kaoe boekan soedah di akoeken seperti sanak oleh toewan de Villefort. Akoe rasa soenggoe enak, kaloe orang mati di koeboer di dalem soewatoe tempat seperti ini, ijang legah dan tegoeh. Soedah Franz djangan ilang pengharepan, kaoe poenja bakal istri nanti dapet poesaka,"
„Ach Beauchamp" berkatalah Frans:,,kaoe soeka memaen. Masalah di hadepan malaikat maoet orang bitjarain dari poesaka?"
Albert sama Franz tinggalin de Beauchamp sendirian sama de Braij. Itoe doewa peti mati di taro di dalam itoe lobang batoe di sebela kanan, ija itoe bagian tempat kaoem kaloewarganja Saint Méran. Viilefort sama Franz bersama-sama ampat lima sanak-sanaknja pada masoek didalem itóe pekoeboeran.
Oepatjara kematian di boewat di hadepan itoe pekoeboer-
