— 1065 —
tjem pada kita. Itoe roemah sesoedahnja kita orang berlaloe dari sitoe, tida di tinggalin orang lagi; tetap sekarang di sewahken dengen contract aken sembilan taon lamanja. Kita lantas pegi pada ijang sewah itoe roemah, soepaja djangan sampe itoe roemah disewahken pada lain orang, sebab itoe ada poenja-nja ajahnja dan mamanja kita poenja istri. Kita hendak membri keroegian, aken matiken itoe perdjandjian sewa; orang minta anem riboe frank; kita maoe bajar sepoeloe riboe, sampe doea poeloe riboe. Itoe oewang kita bawa djoega dan lantas kita minta itoe perdjandjian di matiken; srenta itoe soerat perdjandjian matiken sewah soedah di teeken, dengen sigra kita pegi ka Auteuil. Dari pada waktoe kita laloe dari itoe roemah, tida ada satoe menoesia masoek disitoe. Tempo kita dateng disitoe ijalah djam lima sore; kita pegi ka kamar merah dan bernanti disitoe sampe mendjadi malem. Disitoelah segala apa ijang soedah kedjadian dan ketakoetan ijang kita rasaken dalem hati satoe taon lamanja, bertimboel lagi lebi sanget di dalem kita poenja pikiran. Itoe orang Corsika ijang soedah mengantjem kita dengen gegamannja, ijang memboeroeh pada kita dari Nimes ka kota Parijs, ijang soedah bersemboeni dalem kebon, ijang soedah meloekahin pada kita, ijang soedah liat kita menggali lobang koeboeran dan ijang masoeken itoe bangke disitoe."
Boleh djadi djoega, ijang dia nanti dapet kenali pada kaoe, dan brangkali djoega dia soedah kenal pada kave, Kalde begitoe, apalah dia tida nanti hendak menjeselken pada kaoe? kamoedian memboeka ini ra-
