76
TJERITA ROMAN
itoe orang moeda berdoedoek di seblah kanan. Gwat Nio dan Liong Nio poen dioendang boeat toeroet doedoek bersantap.
Doea djongos jang melajanin marika djadi repot itoe waktoe. Dengen girang marika makan minoem, sampe achirnja njonja Tiong Bie berkata:
„Anak-anak moeda, apakah kaoe taoe di ini malem kita bikin ini perajahan ketjil lantaran apa?"
Si Hok dan Sien Nio diam sadja, kerna betoel-betoel marika tida taoe dan djoega tida bisa mendoega, tapi Gwat Nio jang meletik lantes berkata:
„Brangkali boeat hormatken akoe dan Liong Nio, jang soeda lama tida dateng ka mari."
„Itoe betoel," kata Tiong Bie, „tapi teroetama ada lah ini malem akoe aken tetepken pertoendangannja Sien Nio."
Itoe gadis djadi bengong dan hatinja berdebar keras. Si Hok poen djadi kaget, tapi sekarang ia tida dapetken itoe pengrasa'an menjesel. Ia mempoenjai anggepan, bahoea djikaloe itoe perajahan betoel ada boeat tetepken toendangannja Sien Nio, tentoelah dirinja jang beroentoeng, kerna djikaloe Sien Nio dikasi bertoendangan dengen laen orang, nistjaja itoe lelaki poen bakal berada di itoe tempat, sama ia, si Hok, djadi orang lelaki satoe-satoenja jang diminta boeat hadiirken itoe perdjamoean ketjil?
„Akoe liat, dan kaoe poenja iboe poen telah njataken. Sien Nio," begitoe Tiong Bie berkata poela, „bahoea kaoe ada akoer sekali dengen Hok. Ia ada kaoe poenja temen sekola, ia telah membantoe banjak, seperti kaoe sendiri sering bilang padakoe, hingga kaoe loeloes dengen gampang dalem kaoe poenja oedjian. Akoe telah liat, bahoea Hok ada saorang moeda jang mempoenjai kakerasan hati, hingga dengen terdjanq
