GANDJARAN JANG PANTES
69
ada doedoek iboenja Hok dan itoe orang moeda, jang djadl teroes doedoek berhadapan dengen Sien Nio.
Sesoedahnja doea tiga roepa makanan disadjiken, Tiong Bie lantes angkat bitjara. Dengen pendek ia toetoerken maksoednja itoe perdjamoean ketjil dan bilang:
„Kita adaken ini perdjamoean ketjil lantaran kita merasa girang jang Sien Nio soeda dapetken apa jang ia maksoedken berhoeboeng dengen pladjaran. Akoe kasi slamet pada kaoe, Sien Nio dan akoe harep jang pladjaran jang kaoe soeda dapet nanti membawa djoega kataedahannja seperti jang diharep dalem kaoe poenja pengidoepan. Dan pada kaoe Hok, akoe moesti hatoerken banjak trima kasi. Kaoe telah djadi akoe poenja penggawe, dan itoe waktoe akoe belon bisa hargaken kaoe poenja sikep, hingga akoe telah berlaloe kliroe dan sampe kasi kalepasan pada kaoe. Tapi sekarang akoe soeda taoe semöea; akoe soeda mengarti, jang kaoe telah menoentoet pengidoepan jang berat, jang tida nanti bisa dipikoel oleh sembarang orang. Dalam kaoe poenja melarat di itoe waktoe, kaoe toch tida loepaken pladjaran, malah sebaliknja kaoe giat sekali mentjari pladjaran, dan achirnja kaoe menang. Inilah ada satoe hal jang haroes diboeat kagoem. Lebih djaoeh kaoe soeda toendjoeken, jang kaoe bisa pisahken apa jang bener dari jang kliroe. Maka akoe merasa girang jang sekarang kaoe soeda madjoe bagitoe roepa, hingga membri kagirangan dan kasenangan pada kaoe poenja iboe. Kaoe telah toendjoeken, bahoea kaoe poenja iboe telah menaro kapertjaja'an boekan di tempat jang kliroe."
Sabentar-bentar moakanja Hok djadi berobah warnanja, kerna belon pernah ia denger janswat jang begitoe pandjang, apapoela jang menggenggam begitoe
