„Astaga, itoe anak betoel koerang adjar!" berseroeh iboenja Hok.
„Ssttt“,“ begitoe iboenja Sien Nio menjelak sannbil tero ia poenja teloendjoek di bibirnja, „biarin marika berada berdoea'an."
„Tapi akoe anggap tida pantes ia begitoe brani boeat doedoek berdoea an sadja dengen nona Sien."
„Boekan 'bah Hok jang moesti disalahken," begitoe iboenja Sien Nio berkata poela dengen soeara perlanan, „tapi tjoba kaoe bilang teroes terang apa marika berdoea tida pantes djadi pasangan?"
„Pantes sih pantes," djawab iboenja Hok, „tapi apa marika bisa djadi pasangan, itoelah jang akoe pikirin."
„Kenapa djoega tida? Seperti tadi akoe bilang, kaoe poenja anak ada mempoenjai sifat-sifat jang baek, Jang bisa membikin orang djadi ingin poengoet mantoe padanja."
„Hm, kaoe menjindir."
„Astaga, kenapa kaoe bilang begitoe. Apa brangkali kaoe jang tida soeka berbesan dengen akoe?" tanja njonja Tiong Bie.
Iboenja Hok djadi bengong terlongong-longong bebrapa lamanja. Ampir ia tida bisa pertjaja koepinqnja sendiri.
„Djadi kaoe maoe bilang, djikaloe akoe lamar nona Sien boeat si Hok, kaoe aken trima itoe lamaran? Kaoe baroesan tanja, apa kaoe tida pantes djadi akoe poenja besan? Tentoe sadja lebih dari seriboe kali pantes. Kaoe ada hartawan, nona Sien poen akoe soeka, kerna akoe kenal^ ia ada satoe gadis jang baek dan manis boedi, lagi terpladjar. Akoe betoel-betoel merasa girang, djikaloe ia djadi mantoekoe, tapi . . . . . . . . . kaoe memaen, masatah kaoe maoe pilih si Hok jang miskin boeat djadi kaoe poenja mantoe?"
