12
TJERITA ROMAN
Dengen tida sangsi-sangsi lagi ia menoedjoe ka alloon-alloon, di mana ada berkoempoel banjak taxi sewa'an. Ka tempat pembrentian itoe kandara'an ia toedjoeken tindakan.
Tempo ia sampe di itoe tempat, sigra djoega satoe chauffeur berkata: „Hok, mari sini, ini malern kaoe boleh djadi akoe poenja knecht. Kaoe ada saorang jang membawa redjeki, djikaloe kaoe jang doedoek di sampingkoe, kebanjakan pendapetankoe poen ada besar.
„Kaloe begitoe akoe boleh minta djoega bajaran lebih." kata itoe lelaki moeda.
„Wah sekarang kaoe bertingkah." kata itoe chauffeur.
„Boekan begitoe; tadi kaoe bilang sendiri, djikaloe akoe jang toeroet kaoe, sering kali kaoe dapet hasil bagoes, boekankah kaoe boleh kasi akoe bagian lebih besar, djikaloe bener akoe poenja berada di damping kaoe, ada membawa redjeki?"
„Baek, ini malem akoe nanti kasi kaoe satoe roepia, tapi kaloe ada orang Europa, kaoe moesti bitjara Blanda atawa Inggris, soepaia kita dapet bajaran lebih. „toe kaoe djangan koeatir." kata si Hok, jang laloeh doedoek di sampingnja itoe chauffeur.
Seperti djoega memang bener apa jang itoe chauffeur bilang, itoe waktoe djoega ada liwat doea orang Europa, satoe lelaki jang laen prempoean. Marika roepanja ada laki istri dan hendak sewa taxi. Dengen lekas marika berdoea dikroeboengin oleh bebrapa belas orang, chauffeur dan marika poenja knecht dari taxi-taxi jang berada di itoe tempat. Marika bereboet tawarken marika poenja kandara’an. Tjoema chauffeur dari itoe taxi di mana si Hok poen ada doedoek, jang tida toeroet tjampoer dalem itoe reboetan.
