— 7 —
hari jang pertama ; besok kau tiada nanti, bisa djalan doeapoeloe mijl lagi, tapi tjoema sapoeloe sadja, noesa tjoema lima mij dan pada katiga harinja kau reba di pembaringan djadikepaksa boeat mengaso. Ini anak anak moeda tjoema sombong sadja."
Dari hal itoe orang bisa dapet kenjata’an, Olivain boekan dapet pladjaran sebagimana Planchet dan Grimaud biasa berboeat.
Sabenernja Raoul djoega soeda rasaken dirinja tjape, tapi ia maoe tjoba boeat djalan lebi djaoe, kerna ia soeda denger Athos tace djalan sampe doeapoeloe lima mijl djaoenja. Koetika ia denger begimana d’Artagnan biasa bikin perdjalanan djaoe, Raoul soeda poedji betoel d’Artagnan poenja kekoeatan.
Djadi dengen tiada perdoeliken Olivain poenje pasehat ia djalan troes dan kasi koedanja lari kras. sampe pada satoe djalanan deket satoe boekit jang menoedjoe ka satoe tempat penjebrangan, kerna kabarnja dengen ambil itoe djalanan, ia djalan kira kira satoe mijl lebi pendek dari pada moesti djalan menoeroet djalan besar.
Koetika Raoul sampe di atas boekit ia dapet liat di pinggir soengi ada bebrapa orang doedoek di atas koeda dan sedia boeat menjebrang. Raoul doega, tentoe antara itoe orang orang ada itoe orang moeda bangsawan dengen penganternja, ia tjoba boeat treaken, tapi sebab pernanja ada djaoe orang tiada bisa dapet denger padanja. Maski koedanja soeda tjape, Raoul kasi lari lagi tjongklang boeat boeroe itoe orang jang maoe menjebrang; Koetika ia moesti djalan di satoe tempat jang renda, ia tiada dapet liat pada itoe praoe dengen orang orang jang maoe menje-
