— 6 —
bangsawan jang soeda djalan lebi doeloe; orang kasi kabar, ia soeda djalan kira kira tiga prapat djam lebi doeloe, tapi koedanja bagoes, ia soeda djalan troes dengen kasi lari koedanja.
,,Kita moesti tjoba boeat kedjer padanja, “ kata’ Raoul, ,,ia djoega mace pergi pada balatentara dan ia boleh djadi satoe kawan di perdjalanan kita."
Pada djem poekoel ampat lohor Raoul sampe di Compiegne. Ia mampir di roema makan jang paling baek di itoe kota dan di sana ia dapet denger, itoe orang moeda soeda mampir djoega dan brangkat lagi dengen kasi taoe, ia maoe menginep di Noyon. Raoul dahar di itoe roema makan dengen napsoe.
,,Kita djoega moesti menginep di Noyon," kata Raoul.
,,Toean,“ kata Olivain dengen swara renda, ,,idzinken akoe boeat kasi taoe, kita soeda kasi lari koeda sampe kras dan djaoe. Menoeroet akoe poenja pikiran, lebi baek kita menginep di sini dan brengkat lagi besok pagi. Delapan blas mijl soeda sampe boeat hari jang bermoela."
,,Toean graaf de la Fere soeda pesen akoe moesti djalan dengen tjepet, kata Raoul,“ pada waktoe pagi dari hari keampat akoe soeda moesti mengadep pada toean prins, djadi kita perloe pergi ka Noyon; itoe perdjalanan ada sama djaoenja sebagi jang kita soeda djalanken pada waktoe kita brangkat dari Blois Ka Parijs. Pada djem delapan sore kita bisa sampe di Noyon, koeda bisa mengaso seantero malem dan pada djem lima pagi kita brangkat lagi."
Olivain tiada brani banta lagi itoe perkata’an, tapi dengen mengroetos ia kata dalem hatinja:
,,Djalanlah! boeang kau poenja tenaga pada
