— 45 —
rasaken akoe poenja tangan kanan djadi sanget brat; akoe rasa liat aer di itoe soengi djadi mera dengen dara dan akoe rasa ada jang berkata: di samping koeping koe: ,,Allah tiada nanti loepa djalanken keadilan:"
Ia soeda moelai mengatjo !‘ kata padri.
Orang jang loeka boeka matanjs, tjoba boeat balik mengadep pada itoe padri dan pegang tangannja.
,Mengatjo?' ia oelangken; ,mengatjo, kau bilang ? O! boekan, boekan! itoe koetika ada pada waktoe malem jang akoe lempar badannja di tenga soengi dan itoe tatkala akoe soeda berkata itoe perkataan, kerna akoe pikir, kita soeda berboeat itoe pakerdjaan menoeroet titanja Allah, jang tiada soeka orang jahat tinggal lama dalem itoe doenia."
,,Tapi tjeritaken begimana itoe perkara soeda kedjadian, “ menanja padri.
,,Pada satoe malem orang soeda dateng panggil pada akoe; ia soeda kasi liat satoe soerat prenta dari pembesar, maka akoe toeroet padanja. Ampat orang bangsawan ada menoenggoe pada akoe. Iaaorang adjak akoe. Sedeng akoe diprenta pake satoe topeng. Akoe ada niat boeat tampik itoe pakerdjaan, apabila akoe dapet kenjataan, apa jang orang mintaakoe kerdjaken, tiada patoet adanja. Kitaorang djalan kira kira anem mijl djaoenja dengen tiada berkata satoe apa sampe kita dateng dalem satoe kamar, di mana ada satoe njonja besender di satoe medja dan iaorang kata pada akoe: Ini diaitoe orang, pada siapa kau moesti djalanken kau poenja pakerdjaan."
,,Terlaloe! Abis kau toeroet iaorang poenja maoe?"
