— 44 —
jang tiada soeka dateng deket pada akoe, djadi soeka lagi bergaoelan dan dateng di akoe poenja roema. Iaorang soeda ampoenken akoe poenja dosa dan antaranja ada banjak djoega jang soeda djadi soeka pada akoe, tapi akoe kwatir Allah blon soeka ampoenken akoe poenja sala di itoe satoe malem, kerna akoe senantiasa masi inget sadja dan kadang kadang akoe rasa dapet liat moekanja itoe prempoean,"
Satoe prempoean!: Djadi kau soeda boenoe satoe prempoean ?" kata itoe padri.
,Kau djoega bilang begitoe !": treak itoe algodjo; ,,kau djoega goenaken itoe perkata‘an jang tiada brentinja berboernji di akoe poenja koeping: boenoe! Djadi betoel akoe soeda boenoe padanja, boekan akoe djalanken hoekoeman padanja! Djikaloe begitoe akoe djadi ada satoe pemboenoe dan boekan orang jang djalanken peratoeran pengadilan !
Seabisnja berkata begitoe itoe orang lantes merinti dan toetoep repet matanja.
Roepa roepanja padri djadi semingkin kwatir itoe orang loeka nanti poetoes djiwanja sablonnja tjeritaken abis itoe perkara.
,,Tjerita teroes, akoe tiada taoe satoe apa dari itoe perkara, tjeritaken eampe abis, kamoedian Allah dan akoe nanti kasi poetoesan begimana akoe kira dari kau poenja perboeatan," kata itoe padri.
,,Ach, toean padri," kata itoe algodjo dengen tiada maoe boeka matanja, roepa roepanja lantaran kwatir ia nanti dapet liat satoe roepa barang jang boleh bikin ia djadi semingkin kwatir, ,,tiap tiap kali djikaloe akoe moesti menjebrang satoe soengi di waktoe malem, akoe lantes inget kombali itoe perkara dan
