— 425 —
tanggoengan; sekarang kita moesti djalanken itoe perdjandjian, apa kau tiada pikir begitoe djoega, d'Herblay?"
,,Ja, kita moesti berboeat apa jang kita soeda berdjandji," kata Aramis.
,,Laen dari itoe," kata Athos, ,,kita ada laen sebab lagi, jaitoe, di negri Frans keada'annja di ini waktoe ada sanget kaloet. Kita ada poenja satoe Radja jang baroe beroemoer sapoeloe taon dan blon taoe apa ia moesti berboeat; kita ada poenja satoe Ratoe jang toeroet sadja hawa napsoe birahi toea lantaran mana laen laen perkara tiada diperdoeliken; satoe mantri jang atoer oeroesan negri sebagi oeroesan satoe tana particulier, ia tjoema maoe oentoeng oewang sadja. Ada bebrapa prins familie Radja jang masing masing maoe bawa maoenja sendiri, hingga iaorang tiada bisa berboeat satoe apa, melaenken ganggoe sadja pada Mazarin. Betoel akoe soeda bantoe satos prins, tapi Allah taoe jang akoe tiada taro harga besar atas ia poenja kepandean, akoe berboeat begitoe tjoema lantaran ingin membantoe pada tamilienja Radja. Sekarang akoe poenja oeroesan ada laen, akoe ketemoe satoe ketjllaka'an besar dan akoe goenaken akoe poenja tenaga boeat ini perkara. Djikaloe akee bisa toeloeng pada Radja, akoe nanti berboeat satoe perkara bagoes dan djika- loe akoe moesti binasa boeat ini oeroesan, akoe nanti dapet nama baek."
,,Djadi lebi doeloe kau soeda doega jang dalem ini oeroesan kau boleh djadi binasa?* menanja d'Artagnan.
-,,Kita kwatir itoe perkara dan kita boeat sedi jang kita moesti binasa djaoe dari kau orang."
