— 421 —
Mordaunt lari masoek ka dalem, dapet doega bagimana doedoeknja itoe perkara dan bertreak eebagi orang jang kena ditarik hatinja dari ia poenja badan. Ia djato pangsan.
___
XXXII.
Dengen tiada menengok ka blakang atawa liat lagi satoe pada laen itoe bebrapa orang lariken koedanja teroes menjebrang satoe soengi jang iaorang tiada taoe namanja, djalan teroes ka pinggir satoe kota jang Athos kira kota Durham adanja.
Koetika iaorang dapet liat satoe oetan iaorang poenja koeda di angsik lagi menoedjoe ka itoe tempat.
Apabila iaorang soeda masoek dalem djoega, hingga tiada bisa keliatan dari sebla loear, atawa oleh orang orang jang brangkali kedjer padanja, iaorang brenti boeat berem poek. Doea pengikoet diprenta djaga koeda, sedeng Grimaud dipasang djadi mata mata.
,,Bermoela kau moesti dateng di sini, soepaja akoe peloek pada kau, d'Artagnan," kata Athos; kau ada kita poenja penoeloeng jang paling tjerdik di antara kita!*
,,Apa jang Athos bilang ada betoel dan akoe poedji djoega kau," kata Aramis dengen angsoerken tangannja; „seandenja kau ada poenja Batoo toean jang tjerdik boleh djadi kau bisa berboeat sala satoe perkara besar, kau poenja pikiran tadjem, tjepet bisa atoer tipoe dan kau poenja tangan tetep serta tjepet."
,,Sekarang boleh," kata itoe orang Gasconjer, ,,akoe trima sekalian poedjian boeat Porthos dan akoe, peloekan dan oetjapan trima kasi, kita ada banjak tempo boeat itoe perkara."
