— 32 —
teliti awasin moekanja itoe padri; ,,moekanja ane, tapi memang padri padri poenja moeka tiada ada jang pantes diliat orang; lantaran tahan lapar moekanja djadi poetjet dan lantaran kepaksa djalanken peratoeran dalem gredja moekanja djadi keliatan sebagi orang jang poera poera alim“
,,Tapi maski bagimana djoega,* kata Raoul, ,,itoe orang jang loeka nanti dapetken satoe padri; tapi demi Allah, moekanja orang jang maoe dimintaken ampoen dari kedosa’annja ada banjak lebi baek dari padri jang moesti sampeken ia poenja perminta’an."
,,O! Ia ada satoe antara padri padri jang koeliling dengen mengemis sampe dari langit kirimken sala satoe pakerdja’an boeat bikin ja djadi senang, satoe bagian besar antaranja ada bangea asing, orang orang dari tchotland, Ierland dan Danemarken. Doeloe orang perna oendjoek pada akoe orang begitoe roepa."
,,Sama djeleknja sebagi jang ini."
,,Tida, tapi tiada banjak bedanja."
,,Satoe tjilaka besar bagi itoe orang jang loeka boeat poetoes djiwa dalem tangan orang begini matjem.“
,,Ach! hal kasi ampoen kedosa’an jang orang-orang soeda berboeat di ini doenia, boekan dikasi oleh padri jang sampeken orang poenja perminta’an, tapi oleh Allah. Tapi akoe maoe bilang pada kau satoe perkara. Boeat akoe, akoe lebi soeka meninggal dengen tiada oesa ada padri deket pada akoe dari moesti poetoes djiwa deket satoe menossia jyng begitoe matjem. Kau djoega tentoe pikir begitoe, batoel apa tiada, burggraaf? Baroesan akoe liat kau oesoet
