— 2 —
dan banjak pengartiannja, tentoe tiada bisa djadi senang bitjara pada saorang tani sebagi Olivain.
Sesampenja di Louvres Raoul dapet liat satoe astana ketjil di antara satoe kebon dari poehoen tjemara, hingga Raoul lantes djadi inget kombali pada roemanja di Valliere, maka dengen bengong ia awasin itoe astana sampe sapoeloe minuut lamanja den kamoedian ia djalan lagi dengen tiada djawab pada pertanja’annja Olivain, jang soeda menanja padanja, apa jang soeda bikin ia djadi begitoe heran liat itoe astana.
Lantaran dapet liat itoe astana jang roepanja ampir sama dengen astananja graaf de la Fere di Valliere, Raoul soeda inget kombali pada ia poenja toenangan, nona Louise, hingga ia lantes inget kombali, begimana dengen senang hati ia soeda memaen dengen itoe nona dari sama sama masi ketjil.
Dengen hati sedi ia toedjosken koedanja ka satoe koempoelan poehoen poehoen, di mana ia brenti di depan satoe roema makan. Olivain diprenta boeat kasi makan koedanja serta diprenta djoega boeat minta pada toean roema makan kertas dan prabot toelis.
Olivain toeroet itoe prenta, sedeng Raoul doedoek di satoe medja di bawa poehoen dengen bengong awasin pemandangan dij depannja. Koetika ia soeda doedoeg kira kira sapoeloe minuut lamanja ia dapet liat saorang gemoek dergen satoe servet di slendangken di poendaknja bawa padanja prabot toelis jang diminta.
,,Wel, wel," ia kata, ,,orang bisa dapet kenjata’an, orang orang bangsawan pikirannja sama; blon berselang saprapat djem lamanja saorang bangsawan moeda, dengen lengkep sendjatanja sebagi toean, dan roepanja tjakep
