BOEKOE TJERITA
DOEAPOELOE TAON BLAKANGAN.
Samboengan tjerita „Tiga Panglima prang”
BAGIAN KADOEA
Ditjeritaken oleh KWEE KIM HONG.
1
Pembatja tentoe blon loepa itoe orang moeda jang soeda brangkat menoedjoe ka Viaanderen boeat pergi pada balatentara Frans jang ada di sana
Sasoedanja tinggal Athos didepan gredja sampe soeda tiada keliatan lagi, Raoul lantes lariken koedanja dengen kras, perloenja boeat hiboerken hatinja jang sedi lantaran moesti perpisa dan kadoea soepaja ia poenja pengikoet Olivain tiada dapet liat ia poenja moeka jang keliatannja ada sedikit kesel.
Tapi sasoedanja lariken koedanja satoe djem lamanja itoe kesel dan sedi sama sekali soeda ilang; ia soeda moelai pikir apa jang ia nanti dapetken dalem pakerdja’annja. Ia rasa dirinja soeda merdika, satoe perkara jang memang bisa bikin senang orang poenja hati, maski itoe orang lebi doeloe tiada dipegang kras.
Raoul tjoba bitjara pada Olivain, tapi sigra ia dapet kenjata’an, itoe perkara tiada bisa bikin senang pikirannja, kerna ia jang biasa bitjara pada Athos, saorang jang manis boedi bahasanja
Doeapoeloe taon belakangan
1
