— 271 —
„O ! Njonja !“ treak Mazarin, „kau bikin tjilaka kita sekalian, Radja, kau dan akoe.“
Koetika denger itoe treakan Ratoe Anna djadi sanget kaget dan kwatir, ia treaken Comminges.
„Soeda kasep !“ Mazarin merinti dengen tarik tarik ramboet kepalanja.
Pintoe astana roeboe dan kadengeran soeara orang banjak masoek dalem astana.
D'artagnan kaloearken pedangnja dan minta Porthos toeroet toeladannja.
„Toeloeng Sri Ratoe!“ kata Mazarin pada coadjutor.
Coadjutor lari ka djendela jang ia boeka dengen tjepet dan jongok kaloear ; ia dapet liat Louvieres kepalaken kira kira tiga atawa ampat riboe orang.
„Tahan ! djangan madjoe satoe tindak lagi!“ ia treaken ; „Sri Ratoe nanti teeken.“
„Apa kau bilang?“ menanja Ratoe Anna.
„Apa jang sabenernja moesti kedjadian, njonja,“ kata Mazarin dengen bawa satoe pena dan kertas. „Moestinja begitoe.“ Kamoedian ia kata poela ; „Teeken Anna, akoe minta pada kau, akoe ingin begitoe !“
Ratoe Anna djatoken dirinja di satoe korsi, pegang pena dan trima kala.
Lantaran ditahan oleh Louvieres, itoe orang banjak tinggal diam ; tapi soeara riboet masi djoega kadengeran.
Sedeng begitoe Ratoe Anna toelis :
„Directeur dari pendjara di Saint Germain boleh lepas raadsheer Broussel.“ Kamoedian Sri Baginda teeken itoe soerat prenta.
Coadjutor jang tiada brentinja awasin pada Ratoenja lantes rampas itoe kertas apabila soeda
