— 234 —
poenja niatan boeat bantoe bikin riboet."
— „Tapi lantaran apa Monseigneur, satoe padri, berpake pakean satoe orang bangsawan dengen satoe pedang di samping dan ada spoor di spatoe ?“
„itoe djawaban ada pantes," kata coadjutor dengen ketawa, „tapi kau tentoe soeda taoe, maski akoe djadi padri, akoe soeka pada perkara prang."
„Monseigneur, akoe sablonnja djadi toekang bikin koewe koewe,“ menjaoet Planchet, „lebi doelos ada djadi sergeant pada barisan di Plemont, di mana akoe bekerdja tiga taon lamanja dan lebi doeloe lagi, delapanblas taon lamanja akoe djadi pengikoetnja toean d’Artagnan."
„Luitenant dari musketier ?" menanja coadjutor,
— „Betoel, Monseigneur."
— „Orang bilang ia ada berfihak pada Mazarin."
— „Hm!"
— „Apa kau maoe bilang ?"
— „Tiada apa, Monseigneur, Toean d’Artagnan ada "dalem dienst Djikaloe toean d’Artagnan bela Kardinaal, ia tjoema berboeat kewadjibannja, kerna Mazarin jang bajar gadjinja, dan begitoe djoega kita rahajat negri haroes berbanta pada Mazarin jang tjoeri kita poenja oewang."
— „Kau ada saorang tjerdik, sobat; apa akoe boleh harep kau poenja bantoean ?"
— „Akoe kira toean pastoor soeda tanggoengken akoe boeat itoe perkara;"
— „Betoel begitoe, tapi akoe lebi soeka denger itoe perkata'an dari kau sendiri."
