— 251 —
Maarschalk angkat tangannja boeat soempa.
,,Idoeplah coadjutor!' orang banjak bertreak. Ada dioega jang bertreak.,Idoeplah maar. schalk !" tapi ampir sama sekali bersocara: ,,Boeang Mazarin !"
Orang banjak boeka djalan djoeroesan jang paling deket, jaitoe dengen ambil djalanan Saint Honore straat. Maarschalk dengen barisannja djalan poelang, sedeng Friquet dengen bebrapa kawannja djalan di moeka, antara mana ada jang poekoel tamboer dan ada jang meniroe dengen moeloetnja soeara trompet barisan.
Itoe barisan jang djalan poelang ada sebagi satoe barisan jang poelang seabisnja kalaken iaorang poenja moesoe, tapi maarschalk gigit bibirnja sampe berdara boeat tahan maranja.
Sebagimana soeda ditjeritaken, itoe koetika Mazarin ada dalem kamar toelisnja lagi bikin beres ia poenja harta. Ia soeda prenta boeat panggil d'Artagnan, tapi kerna itoe hari boekan giliran d'Artagnan poenja djaga'an, ia kira, brangkali ini officier tiada dateng, kerna dalem kota ada sanget riboet. Maski begitoe d'Artagnan dateng djoega, sasoedanja berselang sapoeloe minuut dan di blakangnja ada toeroet Porthos.
,,O! dateng deket di sini, toean d'Artagnan,. treak Kardinaal, slamet dateng, toean. Apa toch soeda kedjadian dalem kota Parijs ?
,,Apa jang soeda kedjadian, Monseigneur ? Perkara koerang baek," kata d'Artagnan, Beantero kota soeda brontak dan koetika akoe baroesan liwat di Montorgeuil straat, maski akoe dan toean du Vallon bitjara begimana djoega dan brangkali djoestroe lantaran akoe ada berpake pakean militair, iaorang paksa
