— 249 —
dan anak anak djoega bantoe. Friquet jang soeda dapet satoe pistol dan satoe pedang dari Louvieres, soeda koempoel is poenja kawan jang bikin banjak riboet di itoe tempat.
Maarschalk doega, ini tempat tentoe tiada begitoe tegoe didjaganja, maka ia maoe tjoba boeat menjerang. Ia prenta doea poeloe soldadoe toeroen dari koedanja boeat bikin roesak barri. kade, sedeng ia, maarschalk, dengen soldadoe jang laen bantoe lindoengken kawannja jang moesti bikin roesak itoe benteng moesoe. Itoe doea poeloe orang djalan dengen gaga menoedjoe ka itoe barrikade, api dari blakang itoe grobak grobak, papan dan laen laen barang jang dipasang di tenga djalan soeda kaloear bebareng satoe tembakan snapan, hingga itoe doea poeloe orang lantes reba sama sekali dan lantaran itoe soeara tembakan Planchet dengen orangnja soeda dateng menoeloeng, begitoe djoega orang orangnja Louvieres.
Maarschalk de Meilleraie djadi ada di tenga tenga dosa barisan moesoe.
Ini maarschalk ada saorang gaga, dengen tjepet ia ambil poetoesan bosat melawan sampe ia binasa di itoe tempat. Ia melawan dengen sengit dan tiada berselang lama soeda kadengeran banjak orang jang merinti. Barisan negri jang soeda ada lebi paham dalem ilmoe menembak, bisa tembak lebi djitoe, tapi barisan pembron- takan jang sanget banjakaja soeda menjerang dengen iaorang poenja sendjata tadjem, hingga itoe barisan djoega dapet banjak keroesatan. Kapitein Fontreuil, adjudantnja ini maarschalk, soeda pata tangannja, sedeng ia poenja koeda soeda kena ditembak betoelan lehernja, itoe koeda soeda djadi binal, hingga penoenggangnja
