— 20 —
liat di depannja ada lagi satoe tempat lebet dengen poehoen poehoen dan koetika iaorang soeda ampir sampe di itoe oetan, toean d’Arminges lantes prenta pengikoetnja de Guiche djalan lebi doeloe.
Baroe sadja itoe doea orang djadi tiada keliatan di antara poehoen poehoen, sedeng ia bertiga dengen omong omong toeroet di sebla blakang dan Olivain ada paling blakang, lantes kedengeran swara bebrapa snapan ditembaken.
„Halt!” treak gouverneur dan itoe doea orang moeda lantes tahan iaorang poenja koeda, samentara itoe doea orang jang djalan lebi doeloe soeda balik dengen lariken iaorang poenja koeda.
Sebab ingin dapet taoe lantaran apa orang soeda menembak, ini doea orang moeda hampirken pengikoetnja, sedeng d’Arminges djoega dateng pada iaorang.
„Apa orang soeda tahan kau?" menanja orang orang moeda itoe.
„Boekan," menjaoet itoe pengikoet, „akoe kira iaorang blon dapet liat pada kita orang, itoe swara tembakan datengnja dari satoe tempat kira kira saratoes tindak di sebla depan, di tempat jang paling rapet dengen poehoen ; Kita orang balik kombali boeat menanja, apa kita. orang moesti bikin.“
„Akoe poenja kira," kata d’Arminges, „ja akoe poenja prenta boenjinja kita moesti balik kombali; akoe kwatir di dalem itoe oetan ada balatentara semboeni."
„Apa kau orang tiada dapet liat satoe orang ?" menanja graaf de Guiche pada orangnja.
„Akoe rasa," kata satoe antaranja, „akoe ada liat orang orang jang berpake pakean koening,
