— 19 —
neur jang tjampoer moeloet dalem itoe oeroesan, „Abis prenta jang akoe moesti djalanken, begimana? Apa kau loepa, akoe moesti seraken kau pada toean prins dengen tiada koerang satoe apa? Djikaloe kau soeda ada pada balatentara, kau boleh kasi orang boenoe pada kau, djikaloe kau soeka; tapi sablonnja sampe pada balatentara, akoe jang djadi panglimanja dan dengen itoe kekwasa'an akoe nanti prenta kau orang moendoer apabila akoe dapat liat moesoe."
De Guiche dan Raoul awasin satoe pada laen dengan tersenjoem.
Tempat tempat jang iaorang liwatkeun ada soenji dan kadang kadang iaorang ketemoe kawanan orang tani jang giring iaorang poenja hewan, sedeng iaorang poenja barang barang dimoeat dalem grobak atawa dipikoel.
Iaorang sampe di Ablain dengen tiada koerang satoe apa. Di sana iaorang dapet taoe betoel, prins de Conde soeda brangkat dari Bethune dan sekarang ada di antara Cambrin dan La Venthie. Sasoedanja tinggalken lagi satoe tanda boeat Grimaud, iaorang lantes ambil satoe djalanan ketjil, soepaja iaorang dalem tempo stenga djem bisa sampe di satoe tempat, di mana satoe soengi ketjil djadi satoe dengan soengi Lijs.
Pemandangan di itoe djalanan ada sangat bagoes, tapi kadang kadang iaorang moesti liwatken djalanan di tenga oetan. Apabila iaorang dateng di satoe tempat jang lebet, gouverneur prenta doea pengikoetnja djalan lebi doeloe, kamoedian baroe itoe gouverneur dengen itoe doea orang moeda, sedeng Olivain dengen snapannja soeda sedia boeat ditembaken, djalan di sebla blakang sebagi satoe pendjaga.
Sasoedanja liwat sedikit djaoe iaorang dapet
