— 16 —
tjerita tentang njonjia de Longueville soeka pada toean de Coligcy, lantaran mana itoe toean sampe djadi binasa pada waktoe ia moesti bikin duel di Palace Royale, kamoedian itoe njonja djato tjinta pada prins de Marcillac; saorang jang sanget tjemboeroean sampe ia maoe boenoe mati sekalian lelaki jang dateng deket pada itoe njonja, sedeng padri d’Herblay jang biasa djalanken perkara agama di astanaja itoe njonja djoega di tjemboeroein; ia tjerita dari hal prins van Wales soeka pada soedaranja Radja. Hal keada’annja Sri Ratoe dengen Mezarin djoega tiada loepoet ditjeritaken.
Gouverneurnja greaf de Guiche ada saorang jang banjak pengartiannja dan pande djoega bitjara, hingga Raoul lantes djadi inget kombali pada Athos, tapi djikaloe ia bandingken itoe doea orang, de Guiche blon bisa lawan pada Athos dalem hal tingka lakoe atoes dan sopan.
Lantaran dapet kawan pada siapa ia bisa bitjara dengen senang hati hari soeda djadi sore dengen tiada dirasa lagi. Itoe hari iaorang tiada kasi koedanja lari begitoe keras sebagi pada hari pertama dan pada djem ampat iaorang brenti di Arras, kerna tempat pernanja soeda deket pada tempat di mana ada di maloemken perkara prang, maka iaorang ambil poetoesan boeat bermalem di Arras, kerna kwatir di waktoe glap nanti di serang mata mata moesoe jang sering dateng sampe deket Arras.
Balatentara Frans di tempat tempat jang pernanja antara Pont a-Marc sampe di Valenciennes dan Kabarnja toean prins ada di Bethane.
Balatentara moesoe ada di antara Cassel sampe di Kortrijk dan lantaran orang Spanjol sanget kedjem dalem hal rampas oerang poenja harta
