274
ngan, satoe orang jang pinter sekali. Sajang sekali jang dia ada dapet tjilaka.
Hoedjin tersenjoem, lantas berkata: Lo-ia bilang itoe Bwee Liang Giok pinter sekali, apa lo-ia soedah taoe bertemoe sama dia?
Tje Pek Hoe lantas tertawa lagi dan berkata: Saja beloen taoe bertemoe sama dia, melinken saja ada denger sadja namanja tersoehoer.
Hoedjin berkata: Loïa rasa, mana lebih pinter, Bok Ing atawa Bwee Liang Giok?
Tje Pek Hoe menjahoet: Itoe saja tidak brani bilang tentoe, sebab Bwee Liang Giok poenja pinter, saja melinken denger sadja banjak orang jang alem. Tapi ini Bok Ing saja sendiri soedah lihat, jang betoel dia pinter sekali.
Hoedjin berkata: Saja rasa itoe Bwee Liang Giok tidak nanti ada lebih pinter dari ini Bok Ing.
Tje Pek Hoe lantas berkata: Saja rasa Hoedjin moelain kombali main-main. Begimana Hoedjin boleh taoe Bok Ing ada lebih pinter?
Hoedjin menjahoet: Loïa kira, Bok Ing itoe jang mana satoe?
Tje Pek Hoe berkata: Bok Ing, ja-itoe anak moeda, jang sekarang ada di sini.
Hoedjin lantas berkata: Ha ha ha! Wa, loïa tidak taoe! Itoe jang tinggal di sini, boekannja Bok Ing, hanja Bwee Liang Giok sasoeng-
