ADA DOEA!
Slamet, sobat, banjak slamet! Akoe doaken soepaja kaoe bisa hidoep roekoen, saperti kita poenja orang toea biasa bilang, sampe Saratoes taon. Biarlah itoe pernikahan nanti djadi pengikat jang tjoema bisa poetoes djikaloe Allah panggil kaoe poelang. Akoe doaken kaoe beroentoeng dan . . . . bisa dapet banjak anak dari itoe perkawinan.”
„Kaoe pande sekali janswat, sobat,” kata Kim-djin, ,pantes sekali djikaloe kaoe diangkat djadi president dari satoe atawa laen perkoempoelan. Tapi trima kasi banjak boeat kaoe poenja doa-doa jang moeloek dan akoe harep nanti berboekti.”
„Sama siapa kaoe bertoendangan, Dijin ?”
„Sama siapa lagi, djikaloe boekan dengen Siok-nio, soedaranja engko Tjin-tek.”
„Sama siapa ?”
„Sama Siok-nio, soedaranja engko Tjin-tek, anaknja itoe entjim jang poenja toke provisien én dranken di . . . . . . . .”
Liang-hoen moendoer bebrapa tindak. Tapi kamoedian ia tertawa.
„Kaoe hendak maen gila dengen akoe, Djin,” kata ia kamoedian.
„Soenggoeh mati; boeat apa akoe djoestaken kaoe.”
„Kapan kaoe bertoendangan ? Siapa jang toeloeng melamar ?”
„Akoe lamar sendiri pada itoe gadis sendiri dan ia trima itoe lamaran, samentara
84
