Nan di angkek dek ampek urang
Nan indak disangkonyo pulo
Dek indak bajanji apo-apo
Tampak si Payuang di laman pulo
Sadang bamain jo buruangnyo
Inyo datang pulo ka tangah laman
Ka tampek urang manurunkan tandu
Indak manyapo rang datang
Tapi lansuang ka tandu Balang Candai
Dipaguiknyo kapalo Balang Candai
Diciumnyo sapueh hati
Bakato inyo maso itu
Mano diak kanduang Balang Candai
Sakik bana Buyuang kironyo
Batandu adiak denai datang
Marasai malah Buyuang garan
Dek kakak indak hati-hati
lyo mamacik tali Buyuang
Lah payah urang dek ang Buyuang
Maubek mamaliaro
Buyuang dek kudo pambarian
lyo kudo-tando mato
Indak sanang kakak diak kanduang
Untuak bacarai jo si Buyuang
Taragak kakak siang malam
Inyo mangecek kareh-kareh
Tandanga jaleh dek si Bujang
Urang lah jaleh mabuak juo
Rasonyo kato untuak inyo
Batambah gadang mah haroknyo
Untuang nyo pandai manahan diri
Inyo nan tagak jauah sajo
45
