— 485 —
itoe, tapi pertjoemah sadja. Lain dari begitoe, ada orang berkata, bahoewa pintoenja itoe lobang goewa, tida boleh diboekaken dengen koentji, hanja misti dengen djampe."
— „Sekarang njata padakoe: orang tjeritaken dongeng dari hikajat Seriboe satoe Malem, soepaja akoe nanti tidoer."
Sedeng begitoe, seorang dateng dan berkata pada Franz:
„Kita poenja kapala menantiken toewankoe poenja dateng padanja."
Franz tida menjahoet, hanja serahken ija poenja selampe pada itoe orang ijang telah berkata padanja dan orang itoe lantas djiratken selampe itoe pada kapalanja Franz, hingga matanja Franz djadi tertoetoep rapet. Kemoedian Franz itoe disoeroeh bersoempah, ijang ija tida nanti lepasken itoe selampe, kaloe orang belon minta ija lepasken itoe.
Sesoedahnja ija bersoempah, orang lantas toentoen ija berdjalan, sedeng djaga-djaga ada berdjalan doeloean di hadepannja. Sesoedahnja berdjalan djaoeh sedikit, ija merasai panasnja hawa api dan haroemnja kambing panggang.
Sigra djoega hawa oedara membri rasa padanja, ijang ija ada berdjalan di dalem gang dalem tanah; kemoedian ija rasai hawa itoe ada djadi lebih berat; achir-achirnja ija merasa ada mengindjak permadani tebal dan orang penganternja tinggalken dia. Sesoedahnja ija tinggal berdiri diam sekoetika lamanja, ija denger soewara orang berkata dengen bahasa Prasman.
„Slamat dateng dalem roemahkoe. Toewankoe! dan sekaranglah boleh kaoe lepasken koedoengan matamoe."
Tentoe sekali Franz tida menoenggoe sampe dipinta doewa kali; ija laloeken itoe koedoengan mata, dan laloe lihat bahoewa dirinja ada di hadepan seorang lelaki tjakap, ijang
