-89-
aken ambil djiwanja ia poenja Ijihoe. Achirnja iaorang poenja fihak telah mendapet keroesakan besar djoega, kerna itoe lima soedara dari Tjhit-seng-nia telah mendapet loeka, dan belon ketaoean apa ada jang liwas djiwanja atawa tida. Begitoelah iaorang kasiken Lian Eng, Kong Liat dan laen-laennja berlaloe dengan tida dikedjar.
Blakangan koetika dipreksa loeka itoekanja itoe lima begal dari Tjhit-seng-nia, ternjata Nio Soei Kim jang paling berbahaja, sebab goloknja Boe Liat soeda melanggar dan meloekai iapoenja gegindjel, maka tida lama kemoedian iapoenja djiwa poen melajang ka acherat. Nio Siong Kim jang sebelah koeping kirinja poetoes dan poendaknja loeka, sekali poen loekanja tida mengoewatirken bagi djiwanja, tapi lantaran iapoenja ade dari satoe kandoengan Nio Soei Kim mati, soeda tentoe sadja sanget sedih dan goesar, hingga ia poen djadi pangsan. Loeka loekanja Tee Toen Lian dan Lim Poen Kim, masing masing, di poendak dan lengan kanan, semoeanja tida begitoe berat; tapi biar bagimana djoega, dalem bebrapa belas hari lamanja iaorang tida aken bisa goenaken marika poenja tangan kanan.
Tjhio Tjoe Boen jang bisa sekali oendjoek laga palsoe menangis dengan sedih, atas kematiannja Nio Soei Kim, dan pada Nio Siong Kim ia berdjandji maoe toeloeng balesken itoe sakit hati, sedang pada jang laen-laenja jang mendapat loeka, semoewanja ia menghiboer dengen perkatahan-perkatahan manis, soepaja marika poenja hati mendjadi senang.
Sedang Phoa Boe Liang soeda tentoe sadja berboewat sabisanja goena membikin senang itoe djagodjago jang mendapat loeka lantaran membela padanja. Maitnja Nio Soei Kim ia oeroes dengen satjara lojar,
