-81-
Oleh kerna itoe malem Lian Eng dan Kong Liat poenja maksoed boekannja maoe berempoer, tambahan katemoeken tiga moesoeh jang tanggoe, maka iaorang tida bernapsoe boewat bertempjer teroes,' kerna dikoewatir ada dateng pasoekan soldadoe negri jang diminta pertoeloengannja oleh Phoa Boe Liang hingga aken mengalirken sadja darah dati mengorbanken banjak djiwa deugen tida ada kaperloeannja, maka Kong Liat kasi tanda, pada Lian Eng soepaja menjingkir sabegitoe lekas mendapet koetika jang baek. Lian Eng lebih doeloe bisa desak lawanannja sama iapoenja golok, maka dengen tida berajal Lantas sadja ia balikin badannja dan teroes lompat naek ka atas genteng.
Kong Liat poen toeroet itoe toeladan, lompat naek ka atas genteng, sabagitoe lekas ia mendapat koetika jang bagoes; tapi ternjata marika poenja tiga lawanan tida maoe malepasken pada iaorang, kerna dengen lantas iaorang poen lontjat naek dan mengedjar. Koetika Lian Eng dan Kong Liat sampe di sabelah depan, dengen heran iaorang menampak di atas gentengnja itoe kantoor jang lapisan kadoewa dari sebelah loewar poen kaliatan ada bebrapa banjak orang jang lagi bertaroeng, antaranja dergen lantas bisa dikenalin ada iaorang poenja kawan kawan sendiri, jang baroesan telah pergi ka depan boewat lakoeken pembakaran, dan marika itoe boekan laen dari Lee Na, Boe Liat dan Giok Kay, sedang fihak lawanannja ada lima orang, jang semoewanja berdandanan serba itam dan serba ringkes. Tapi iaorang poenja kapandean ilmoe silat ada berbeda djaoe sama itoe tiga jang baroesan bertempoer sama Lian Eng dan Kong Liat, hingga biar poen Lee Na dan doewa kawannja dikroeboetin lima, toch kaliatannja masi bisa melajanin dengen laloewasa.
