-19-
jang ia soeda berdamiken sama iapoenja ada Lioe Eng.
Lee Na dengen lantas menjataken satoedjoenja, tapi Lee Tjoe jang lebih sabar dan adem, masi teroes berpikir dan belon maoe menjataken pikirannja.
„He Tjoe moay, apa kaoe tida satoedjoe sama kita poenja voorstel, makanja kaoe tinggal membisoe sadja? menanja Lioe Eng.
„Boekannja tida satoedjoe", saoet Lee Tjoe; „ïapi lantaran akoe pikir ini oeroesan ada besar, maka akoe masi bersangsi dan belon bisa lantas ambil poetoesan."
„Kaoe merasa bersangsi dalem hal apa?" menanja Lian Eng.
„Menoeroet akoe poenja pemandangan ini oeroesan kaloe kita tjampoer tangan dengen satjara begitoe, tentoe bisa membawa boentoet jang besar," kata Lee Tjoe „sebab kita berdiam dalem iboe kota provincie di mana ada berdiam banjak ambtenaar jang berpangkat tinggi serta ada banjak djoega pasoekan balatentara, kaloe sadja tikoan dari Hwan-gie rapportken apa jang kita soeda berboewat pada pembesar jang lebih atas, bisa di pastiken tjongtok aken ambil tindakan keras, goenaken tenaganja pasoekan politie dan balatentara dengen berbareng boewat menangkap pada kita. Boeaken kaloe sampe kadjadian begitoe roepa, achirnja aken bisa membahajaken pada kita semoewa?"
„Tjoe-moay poenja pikiran jang dalem dan loewas memang ada betoelnja djoega," saoet Lian Eng;„tjoema sadja kaloe kita tida brani melanggar bahaja, soeda tentoe sadja tida nanti bisa berboewat perkara besar, paribahasa ada bilang, kaloe kita maoe belajar djangan takoet melanggar ombak dan geloembang. Salaennja itoe, kita Tjoema haroes inget sadja kita poenja toedjoean ada boewat membela kaadilan dan menindes kadjahatan, maka biar poen kita moesti hadepken
