90
TJILIK ROMAN'S
Ho Song mendjadi tjuriga, maka itu ia ialu menjentak Lok Tjoen kenalin padanja dan berseruh dengen girang: „Hei . . . sobat, apa kau tida kenalin aku, reserse Lok Tjoen . . . kita . . ."
Orang-orang politie lalu suluhken nomornja kandaran auto dengen marika punja lampu senter.
„Kita ada kawan . . . sendiri!” berseru lagi Lok Tjoen.
„Mana Ho Song?“ menanja itu orang polisi sesudanja kenalin betul pada itu reserse.
Lok Tjoen lantas membri tau pada orang-orang polisi apa jang telah terdjadi dengen dirinja itu detective dan iapunja sobat. Marika suda masuk kedalem gedong buat menjelidikin resia, aken tetapi sampe pada saat itu masih belom keluar kombali.
„Hei . . .?” kata lagi Keng Giok: „Suda tentu kita musti membantu . . . ach . . . sunggu brani betul Ho Song melanggar bahaja . . .”
Sesudanja menitahken pada salah satu erang polisi buat mengabarken pada Gouw Kim Siu dari salah satu sation polisi jang paling deket, marika lantas sadja „menjerbu” dalem itu rumah gedong pada sa’at jang tepat.
Lok Tjoen jang berdjalan paling depan, telah meliat bebrapa orang sedeng menggendong Pauw Long jang suda pangsan dengen kaki tangannja teriket. Sebagi djuga seekor singa jang aus darah, Lok Tjoen lalu menerdjang pada itu kawanan bandit . . . .
Keng Giok dan orang-Orang polisi laLU keluarken marika punja sendjata api, sebentar sadja dalem itu ruwangan telah terdjadi „perang tanding” jang maha heibat di mana ada terdenger suara ledakan²nja sendjata api jang mengambil korban djiwa manusia.
Lok Tjoen mengamulk dengen sanget heibat, badannja berlumuran darah, kerna bebrapa bangsat suda binasa dalem iapunja tangen. Pauw Long jang pang-
