„BELATI ITEM”
33
ringkes sadja bisa dikata, Peng Tjie itu ada seorang jang sanget djelek sekali.
Kutika Peng Tjie sedeng pusatken pemandangannja keruwangan penonton jang suda penuh sesek, ia bersenjum urung, sehingga rupanja mendjadi sanget mirip dengen iblis pedjadjaran, menandaken jang hatinja ada sanget senang suda dapet mengeduk uwang sekean banjaknja. Ia menggrutu seorang diri, mulutnja berkemak-kemik sebagi orang sedeng membatja do'a, kerna perkatahan jang diutjapken olehnja tida teges. Dengen iapun ja djari-djari tangan kanan jang gemuk, ia mengetok-ngetok papan medja ketjil jang terletak di sampingnja. la ada duduk di satu podjokan jang gelap.
Dengen mendadak Peng Tjie berbangkit dari korsinja, lalu masuk kedalem itu kamar ketjil jang letaknja di samping kiri. Sesudah ia masuk kedalem, daon pintu sigra djuga dirapetin kombali. Dalem kamar itu ada terdapet satu dipan ketjil, sigra Peng Tjie lepas dirinja berbaring di situ, sambil lajangken iapunja pikiran. Kamar itu ada mendjadi iapunja „kantoor", kerna di situ ada terdapet satu medja tulis jang suda butut dan satu korsi ketjil, jang kakinja suda rejot . . . .
Rumah gedong jang digunaken oleh itu sandiwara ada satu rumah jang suda tua, terdiri dari dua tingkatan loteng. Dalem rumah jang besar itu, terdapet tiga ruwangan di bagian bawah, ruwangan jang pertama ada terpake buat itu panggung sandiwara, ruwangan tengah ada mendjadi tempatnja Rumah Makan „Thay Goan", di mana penonton bisa dapet santapan² ledzat dan djuga minuman² dingin. Ruwangan blakang digunaken buat menjimpen segala rupa barang prabotan jang tida terpake lagi. Tiga ruwangan laen di atas loteng, ada mendjadi tempat-
