ANTARA PERSOEDARA'AN
DAN
PERTJINTA'AN
Marika selaloe bertiga — Tjoen Soei, Lucy dan
Lily —. membikin heran pada pergaoelan saoemoemnja
dan marika jang teroetama kagoemken Lucy dan Lily
posnia kaeilokan.
Tjoen Soei, sebagi jang paling toea, selaloe ada djadi pemimpm. Apa jang ia bilang selaloe ditoeroet. Belon pernah orang menampak Tjoen Soei berada diloear sendirian, demikian poen Lucy dan Lily; tegesnja sadja, marika tergaboeng satoe dcngen laen.
Dalem medaillon dari Tjoen Soei poenja horloge ada tersimpen satoe portret meloekisken marika bertiga- Tjoen Soei sendiri di tengah, dengen Lucy di kanan dan Lily dikiri. Dimoeka. dari itoe permaenan-horloge ada tertatah ampat perkata an-Latynsch, „Tria juncta in uno (Tiga mendjadi satoe).
Diam-diam kabar-angin moelai tersiar dengen santer di loearan, bahoea Tjoen Soei maoe borong itoe sepasang gadis jang „paling eilok di kolong langit". Dengen menginep pada familie Liang, Tjoen Soei dibilang perioenja memikat itoe sepasang gadis,"jang sekarang djadi begitoe djinek padanja.
Begitoe tjotjok adanja itoe penerkahan. hingga ampir tida ada djalan boeat penjangkalannja !
Saban pagi djam 7 orang moesti liat marika bertiga berkandaraän auto menoedjoe ka seblah oedik. Dari demikian banjak kali, tjoema satoe kali sadja orang menampak marika berdbewa'an sadja, Tjoen Soei dan Lily, oleh kerna Lucy dapet sakit dan tida bisa toeroet.
