3
Sekarang Lie Ijoen Soei soeda djadi „orang". Ia menoempang ,.in de kost" pada familie Liang di Krekot, Weltevreden, pada siapa ia terboekti ada satoe favorite, Tjosn Soei tadinja bajar makan ƒ 75.— saboelan, tetapi kamoedian setaoe dengen tjara pemberesan bagimana, ia diianggep mendjadi satoe anggota dari itoe familie. Sekarang Tjoen Soei tida poela bajar makan, tetapi bantoe tanggoeng oeroesan roemah-tangga saaoemoemnja. Malahan pada toean dan njonja Liang, Tjoen Soei bahasaken ,,Papa" dan ,,.Mama". Selaen itoe. ia beli satoe Che rolet Sedan, dengan apa ia sering moendar-mandir dan tempo-tempo djalan-djalan ka Preanger pada saban Saptoe sore dengen Seantero familie Liang. Roepa-roepanja ini familie tida merasa perloe menjeiidikin hal-ichwalnja Lie Tjoen Soei; maka itoe, marika antepin sadja ia poenja perhoeboengan jang begitoe loear biasa, berdjalan teroes.
Lucy, satoe taon lebi toewa dari Lily, mendjadi poesat dari perhatiannja anak-anak moeda di Batavia. Boekan sedikit antaranja merasa mengiri pada Tjoen Soei: malahan Koei Siang, satoe A. .M. S.'er, telah djadi demikian serieus dengen iapoenja iri-hati hingga kaloe sadja ada djalan ia ingin tantangken Tjoen Soei boeat memoetoesken siapa jang aken dapetken Lucy.
Tjoen Soei, satoe figuur jang berpemandangan pesat, katahoei ini; tetapi ia ganda katawa sadja ! Orang banjak di loearan bilang Tjoen Soei satoe pengetjoet !
Tjoen Soei bales dengen mesem sadja. Pengetjoet oemoemnja Tjoen Soei dianggep, oleh kerna toeboenja ketjil dan tangannja aloes, betoel sabagi prampoean; swaranja lemah-lemboet, sama empoeknja seperti Lucy; djalannja demikian elo, sabagi toekang
