- 39 -
karoema Wedono.
Wedono djadi heran liat Tjan dan sesoedanja berdjabat tangan dengen girang, Wedono silaken tetamoenja doedoek, tida loepa djoega menanja kapan dateng dan menanjaken hal keslametan.
Wedono itoe ada saorang manis boedi bahasanja, soeka sekali bersobat dengen segala bangsa. Tjan lantas tjeritaken dengen pendek maksoednja ia dateng di Tjomal jang mana membikin itoe Wedono djadi heran sekali, tetapi achirnja ia berkata pada Bok Darmi, jang doedoek dibawah, ia beroentoeng sekali jang anaknja ada disetoedjoei oleh Tjan, tentoe tida bakal djadi kapiran.
Ini perkataan djoega jang memang diharep oleh Tjan, soepaja itoe orang toea djadi lebi tetep hatinja.
Tida lama selangnja, lantas Tjan pamitan aken ka station, sebab ampir trein dateng.
Itoe tempo kebetoelan Wedono bilang pada wijkmeester Ong Liang Soei ada satoe prenta dari Resident di Pekalongan, jang mengenain djoega oeroesan kampoeng Tionghoa disitoe, lantaran itoe Ong djadi tida bisa menganter ka station, maka dari sitoe sadja ia kasi slamet djalan dan pesen djoega kaloe ia dateng kombali di Pekalongan, djangan loepa mampir di Tjomal, begitoepoen Wedono, jang menjataken sajang
