- 35 -
Oey Sie Hoen. Dari sebab Soekmi djoega ada menoempang pada koesirnja Oey, ia djadi dapet taoe keadaannja Bok Darmi.
Sekalipoen orang desa, sadja, Bek Darmi itoe ada saorang jang soeda banjak makan garem, ia lantas dapet doega, apa-apa; sebab kaloe tida ada satoe apa jang di maksoed, perloe apa ini orang Tionghoa tjari padanja?
Tjan berkata lagi, kasi taoe sebetoelnja ia belon berbini dan tjerita begimana Oey Sie Hoen soeda taro hati pada Soekmi dan tida beroentoeng, begimana ia soeda bereboet bitjara dengen Oey fatsal prampoean. Djawa dengen Soenda, begimana ia soeda tjoba soeroe Soekmi masak, sebab ia ada pikiran kaloe maoe piara orang, ia tida maoe maen maen, ia maoe dengen sasoenggoenja, dan pendapetannja senang betoel dan lantaran itoe ia sekarang dateng boeat bitjaraken itoe perkara.
Bok Darmi djadi soesa aken membri djawabnja, apa kata ia sendiri baroe taoe ketemoe sama ini orang, jang dateng-dateng lantas maoe melamar anaknja. Tjan djoega mengarti jang hatinja ini prampoean toea ada sangsi, ia lekas bikin senang dan ia oendjoek toean Ong Liang Soei. jang Bok Darmi djoega tentoe taoe atawa bisa dapet taoe ia poenja kepala dessa, ada ia poenja
